Sanarwa daga Ministan Harkokin Wajen Iran Seyed Abbas Araghchi bayan ganawa da ministocin harkokin wajen kasashen Turai guda uku da babban jami’in kula da harkokin ketare na Tarayyar Turai

 Sanarwa daga Ministan Harkokin Wajen Iran Seyed Abbas Araghchi bayan ganawa da ministocin harkokin wajen kasashen Turai guda uku da babban jami’in kula da harkokin ketare na Tarayyar Turai:

A yau mun gana da ministocin harkokin wajen Birtaniya, Faransa, Jamus, da kuma babban wakilin Tarayyar Turai a Geneva, inda muka tattauna wasu muhimman batutuwa.

1. A wannan taro, mun bayyana damuwar da Jamhuriyar Musulunci ta Iran ke da ita kan rashin mataki daga waɗannan ƙasashe guda uku wajen la’antar munanan hare-haren da haramtacciyar gwamnatin Sahyoniyawa (Z..nist regime) ke yi. 

Mun jaddada cewa Iran za ta ci gaba da amfani da haƙƙinta na doka wajen kare kanta daga wannan hari, domin dakile wannan zalunci da kuma hana maimaituwarsa, cikin tsanaki da ƙuduri.

2. Mun jaddada cewa shirin makamashin nukiliyar Iran yana da manufa ta zaman lafiya kuma yana karkashin kulawar hukumar IAEA (Hukumar Makamashi ta Nukiliya ta Duniya). Saboda haka, kai hari kan cibiyoyin nukiliyar Iran na zaman lafiya babban laifi ne da kuma take doka mai ƙarfi ta duniya. A cikin wannan tsari, mun bayyana damuwa da suka da suka mai tsanani kan yadda ƙasashen uku da Tarayyar Turai suka kasa la’antar wadannan hare-hare.

3. Idan har an dakatar da hare-haren kuma an hukunta wanda ya aikata laifuka, Iran na da shirin la’akari da hanyar diflomasiyya. A wannan fuska, na bayyana a fili kuma cikin gaskiya cewa ƙarfin kare kan Iran ba abu ne da za a iya tattaunawa a kai ba.

4. Muna maraba da ci gaba da tattaunawa da kasashen Turai guda uku da Tarayyar Turai, kuma muna bayyana shirye-shiryenmu na sake yin wata ganawa a nan gaba kusa.

— Shirin PressTV